Patay ang tulo ka biktima human sa nahitabong duguong pagpamusil sulod sa Islamic Center of San Diego, ang labing dakong mosque sa maong rehiyon.
Daling miresponde ang ubay-ubay ka mga law enforcement officers aron i-secure ang dapit ug luwason ang mga sibilyan nga anaa sa sulod sa compound. Patay sab ang duha ka batan-ong suspek human giingong nag-kutlo sa kaugalingong kinabuhi sulod sa usa ka sakyanan pipila ka bloke ang gilay-on gikan sa crime scene.
Ginasusi na karon sa FBI ug lokal nga otoridad ang anggulo nga hate crime tungod sa nakuha nga suicide note nga puno sa mensahe sa pagdumot.
Gipahugtan na sa maong siyudad ang seguridad alang sa Muslim community samtang nagpadayon pa ang lawom nga imbestigasyon sa maong trahedya. (jane abulag)
