Gipahinumdoman sa Professional Criminologists Association of the Philippines si NAPOLCOM Vice Chairman Atty. Rafael Vicente Calinisan bahin sa kapin 30,000 ka kaso sa riding-in-tandem matag tuig human gisita sa opisyal ang nag-viral nga criminology intern.
Gitin-aw ni PCAP National President Dr. Gerry Janubas Caño nga tungod sa maong hulga sa seguridad, daghang local government units lakip ang Cagayan de Oro ug mga syudad sa NCR ang nagpasar og ordinansa nga nagdili sa paggamit og helmet sulod sa syudad aron mailhan ang mga kriminal.
Gitin-aw usab sa opisyal nga dili makatarunganon nga hatagag daotang imahe ang mga estudyante pinaagi lamang sa usa ka hulagway sa social media nga walay pagtuon sa lokal nga lagda.
Busa, gipahinumdoman sa grupo ang NAPOLCOM nga rebyuhon ug sutaon una ang kahimtang sa kriminalidad sa kadalanan imbes nga magpagawas og dili balanse nga deklarasyon.
