CAGAYAN DE ORO CITY – Gitangtang sa ilang trabaho sa Police Regional Office 10 ang upat ka police officers samtang dunay laing 19 ang under preventive suspension tungod sa lain-laing kalapasan sa mga balaod sulod sa PNP.
Gibutyag ni PRO 10 spokesperson Police Maj Joann Navarro nga nagpamatood lamang kini nga seryoso ang internal cleansing policy o ICP nga gipatuman sa ilang organisasyon batok sa pipila nila ka kauban nga nagsupak-supak sa balaod.
Siya miingon nga magsilbi usab kini nga pagpadumdom ngadto sa tanan nga magtinarong sa ilang mga trabaho ilabina nga gi-doblehan na sila sa sweldo sugod pa sa administrasyon ni kanhi Pres Rodrigo Duterte.
Ang 33 ka mga pulis nga naigo sa internal cleansing policy ang gikan sa Enero hangtod Setyembre ning tuiga lamang.
Sa maong data,ranggo nga lieutenant colonel ang kabahin ang naigo sa ilang kaugalingong ICP.
