CAGAYAN DE ORO CITY- Iduso sa kapolisan sa piskalya ang kasong robbery batok sa upat ka suspek nga notoryos nga kawatan sa area sa Brgy. Lapasan ning syudad.
Gibutyag ni SPO3 Ronnie Donasco sa Agora Police Station nga giila ang mga dinakpan nga sila Jil Jun Balacquit Nepania, molopyo sa Valenzuela Road, Brgy Lapasan, Junrey Eleazar, 18 anyos, taga Tabaco, Brgy Puntod ug laing duha pa ka menor de edad.
Segun sa report, nakuha sa posisyon sa mga kawatan ang class-A nga mga ukay-ukay nga jacket ug uban pang assorted nga mga gamit gikan sa nanag-iya sa usa ka RTW sa Valenzuela Road Agora.
Una niini, gihimakak sa usa ka alyas Jun-Jun kinsa usa ka minor de edad nga duha na siya ka tuig nga nagsilbing kawatan sa ilang lugar.
