CAGAYAN DE ORO CITY – Gilantaw sa Armadong Kusog sa Amihang Mindanao nga nagbaton sa sensitibong aspeto ang gipakusog nga kampanya ni Presidente Rodrigo Duterte kalabot sa resumption sa “war on drugs”.
Sayud ang katawhan nga nakadestino ang mga sundalo aron bantayan ang insurhensiya sa nasud diin mas obligado pa ang mga mga pulis sa pagsanta sa ilegal nga druga.
Gumikan niini, gusto sa kasundaluan nga makita ang nakahan-ay nga mekanismo sa ilang labing tin-aw nga partisipasyon.
Una niini, gusto ni 4th ID spokesperson Capt Joe Patrick Martinez nga masayran sa publiko nga lakip na sa ilang tahas ang paghatag seguridad sa PDEA operatives batok pagdakop sa mga wanted person o high valued targets nga anaa sa drug watchlist aron dili e-kuwestiyon ang ilang presensiya sa kabarangayan.
Hisayrang pirmado na sa AFP ug PDEA ang kasabutan aron dungan nila nga gukdon ang mga nalambigit sa ilegal nga droga dinhi sa nasud.
