CAGAYAN DE ORO CITY – Patay ang usa ka 5-anyos nga batang babaye human nalumos sa suba sa Brgy. Balubal ning syudad.
Naila ang biktima nga si Jenecel Terano nga taga Purok 1, Brgy. Balubal kagahapon sa buntag.
Gibutyag ni Police Master Sgt. Rodrigo Villasan, deputy investigator sa Puerto Police Station nga kauban sa bata ang iyang lolo ug lola nga mitabok sa suba padulong sa uma sa dihang gi-anod sila sa kusog nga bul-og sa tubig. Nakaluwas ang lolo ug lola apan walay swerteng gi-anod sa tubig ang bata.
Gilayong gilusad ang search and rescue operation kundiin nakita ang patay’ng lawas sa biktima sa Liloc river sa Brgy. Tablon.
