CAGAYAN DE ORO CITY-Nakig-away pa gihapon ang usa ka pastor ug manambalay batok sa mga dautang espirito nga unang misulod sa dose ka tawo nga gilakipan sa mga bata diha sa Brgy Tambobong,Villanueva,Misamis Oriental.
Kini bisan nga napalayas na ang pipila ka kanila dihang naampuan ug natambalaan ang mga biktima sukad sa miaging semana.
Miingon si Pastor Eljoy Managbanag sa First Assembly of God nga gibalik-balikan sa mga engkantong itom ug giingong ‘tambaloslos’ ang pipila sa biktima hinungdan nga wala pa sa normal ang mga pagbati niini.
Gani,gisulti ni Managbanag nga samtang mihimo’g pagpanambal si Crisanto Pahunang nga taga- Salay,Misamis Oriental may giingong engkantada usab nga nakagusto kaniya ug nagtinguha nga kini pakaslan.
