CAGAYAN DE ORO CITY-Gikasuhan na sa kapolisan ang brgy kapitan nga suspek pagbaton sa gidiling droga ug paghupot sa granada ug mga bala sa shotgun sa Cabalantian, Manticao, Misamis Oriental.
Nakuhaag sachets sa suspected shabu ang suspek nga si Cabalatian Punong Brgy Marwin Tagalogon dihang gi-serve ang search warrant batok kaniya sa maong lungsod.
Matud ni Misamis Oriental PNP spokesperson Sr/Insp Arlyn Ranario nga nakuha usab kang Tagalogon ang granada ug upat ka bala sa shotgun.
Kasong kasupakan sa pagbaton sa gidiling droga ug illegal possession of explosives ug ammunitions ang ipasaka batok suspek sa piskalya ning syudad karong adlawa.
