CAGAYAN DE ORO CITY – Samaron ang kapin kun kulang 10 ka tawo sa pagkabangga sa Tagoloan Liner sa 10-wheeler truck sa Sitio Baloy, Barangay Tablon ning syudad.
Base sa report sa Cugman Police Station, mi-angkon ang driver sa jeep nga mibuto ang iyang brake hinungdan nga midusmo kini sa trak nga pasulod sa National Food Authority kon NFA office.
Paspas nga girespondehan sa Oro Rescue, Bureau of Fire ug CDRRMD ang mga samaron ug nabun-og ang lawas.
Gidala ang mga pasahero nga samaron sa Northern Mindanao Medical Center kon NMMC.
Gikustodiya sa PNP ang driver sa public utility jeepney kon PUJ nga nagdala sa plate number KVS 699, kolor dalag.
Lakip sa mga samaron:
1. Alaba, Jeric – 24 anyos, taga-Casinglot, Tagoloan, Misamis Oriental, trabahante sa Lim Ket Kai Construction
2. Absilay, Bernabe – 46 anyos Casinglot, Tagoloan, MisOr
3. Abe-abe, John – 54 anyos, Purok-3b Tagoloan, MisOr
4. Bolanzena, Gabriel – 45 anyos, ulitawo, Casinglot, Tagoloan, Misamis Oriental
5. Chua, Vanjie – 48 anyos, taga Naawan Mis Or, contractor, nabali ang tiil
6. Densing, Reil – bun-og sa ulo
7. Jipolito, Joemar – minor injuries
8. Saison, Mariano – 71 anyos Senior Citizen, Dumagat Island, Surigao- nakalingkod sa front seat – bun-og sa lawas
9. Salawaga, Ian – 30 Casinglot, Tagoloan, MisOr
10. Sinampaga, Jerson – 22 anyos, ulitawo,Tagoloan, MisOr
11. Tadeo, Paulo – samad sa lawas
