CAGAYAN DE ORO CITY – Dakpan ang upat ka tulisan human milungkab sa Saiman Construction sa Dona Maria Subd., Barangay Tubod, Iligan City.
Base sa report, milusad sa joint operation ang Iligan City Police Office (ICPO) ug Carmen Police Station aron madakpan ang mga suspek nga nailang sila Naim Maumaimir 20, Regie Palatulan 18, ug duha ka menor de edad nga sila alyas Inday ug alyas Roy pulos 15 anyos ug residente sa Brgy. Lapasan ning syudad.
Nadakpan ang mga suspek nga nagtagu-tago sa Valenzuela road, Agora Brgy. Lapasan.
Narekober sa hot pursuit operation ang 40mm cal pistol (P160,000), tolo ka magazine (P30,000) ug laptop (P38,000)
Gidala na sa ICPO ang mga suspek.
