CAGAYAN DE ORO CITY – Patay ang usa ka motorista human gibanggaan sa usa ka Isuzu Elf Truck sa Brgy. Tubigan, Initao, Misamis Oriental, kaganinang kadlawon.
Giila ni Police Captain Arlene Ranario, hepe sa Initao Municipal Police Station ang biktima nga si Rebodin Jalagat, 31 anyos, ulitawo, residente sa Brgy. Kamelon, sa maong lungsod.
Samtang ang suspek naila nga si Brad Mark Dusdus, minyo ug residente sa Talisayan, Misamis Oriental.
Gibutyag ni Ranario nga nangawat sa linya ang driver sa trak ug natabo ang motorista.
Otomatik nga gidala sa Initao Misamis Oriental Provincial Hospital ang biktima human maka-angkon sa crack sa ulo apan, gideklarar kining patay.
Kasong reckless imprudence resulting to homicide ug damage to properties ang atubangon sa suspek nga kasamtangan na-detenar sa mini-cell sa Initao-PNP.
