CAGAYAN DE ORO CITY – Pagsul-ob sa tag-as nga sapot ang kampanya sa Iligan City Health Office aron mu-ubos ang risgo sa pagbaton sa dengue.
Kini ang gibutyag ni Iligan City Information Officer Joe Pantoja sa Bombo Radyo.
Si Pantoja miingon nga 14 na ang ihap sa patay sa ilang syudad ug laing 854 ang nagsakit.
Gawas sa clean up drive ug fogging, mulusad sab sa massive awareness campaign ang syudad aron mabatukan ang makapatay nga lamok.
