CAGAYAN DE ORO CITY – Mangunay paghatag seguridad ang Police Regional Office- 10 sa mag-amahan nga NPA rebels ug laing militia ng bayan o MB nga mitahan sa Cagayan de Oro City Police Office.
Kini human unang nahukman sa mag-amahan ug MB member nga isalikway sa hingpit ang pag-apil sa NPA movement diha sa Brgy Besigan ning syudad.
Gihimo ni PRO -10 regional director Brig Gen Rafael Santiago Jr ang pasalig dungan sa pag-presentar niini sa maong mga rebelde sa prensa sa Camp Alagar kagahapong adlawa.
Giawhag usab ni Santiago ang ubang NPA rebels nga dili na maglangan apan mangita’g paagi nga maka-surrender sa gobierno kay naghulat kanila ang mga ayuda sa ilang pagbag-o sa kinabuhi.
Nasuta nga may mga kasong kriminal ug dunay warrant of arrests na ang mga NPA returnee apan pagpabilin ang ilang kustodiya samtang gihikay ang ilang mga dokumento.
Gitakda usab sila ipaubos sa Enhanced Comprehensive Livelihood Program E-CLIP aron makasugod na’g balik sa ilang pagpakabuhi nga normal.
Gitugyan sa NPA rebels pag-surender ang M14 rifle ug kalibre 45 nga armas kauban ang mga bala niini kagahapong adlawa.
