CAGAYAN DE ORO CITY – Gi-presentar sa kapolisan sa publiko ang kapin 200 ka suspected criminals nga nagbaton sa lain-laing kaso nga ilang nahimo dinhi sa syudad.
Miingon si Cagayan de Oro City Police Office o COCPO City Director Police Col Henry Dampal ang maong mga personalidad ang dunay mga atraso sa balaod hinungdan nga gipangdakop sila sa lain-laing police stations ning syudad.
Gibutyag ni Dampal nga pipila sa mga dinakpan ang natugyan na sa korte diin nakasang-at ang ilang mga kaso.
Miingon si Dampal nga 84 niini ang nadakpan sa Cogon Police Station;16 sa Divisoria Police Station, 9 sa Puerto Police Station ug daghan pang uban gikan sa laing kuwerpo sa kapolisan ning syudad.
Giklaro ni Dampal nga gihimo nila ang binulan nga Oplan Galugad aron mahipos kadtong wanted criminals nga peligro alang sa seguridad sa katawhan sa syudad.
