CAGAYAN DE ORO CITY – Gikompirmar sa Philippine Drugs Enforcement Agency -Bangsamoro Autonomous Region in Musim Mindanao o PDEA-BARMM nga aduna sila’y target nga elected government officials nga nalambigit sa illegal drugs operations sa Lanao del Sur.
Si PDEA-BARMM regional director Javelin Azurin miingon nga nangita lamang sila’g ensaktong oras ug panahon aron masikop ang mga elected govt official sa lugar.
Apan giangkon ni Azurin nga naglisod sila nga masudlan ang mga bigtime illegal drugs operators tungod kay ilang gihuptan ang mga armadong grupo nga naghatag proteksyon batok sa mga lakang sa gobyerno.
Nagdumili una si Azurin nga nganlan pa ang mga posisyon sa narco-politicians nag anaa sa ilang order of battle.
Gihimo ni Azurin ang komento nunot sa pagkasikop sa duha ka suspected bigtime drug dealers sa Marawi City diin 2.2 milyon pesos nga usa ka kilo nga shabu ang nakompiskar sa miaging semana.
