CAGAYAN DE ORO CITY- Napasaka na ang kasong robbery with murder and robbery with frustrated murder batok sa suspek nga midunggab patay sa 24-anyos nga dalaga kinsa sakop sa Jesuit Volunteer of the Philippines sa Pangantucan , Bukidnon.
Gibutyag ni Pangantucan Police Station commander Police Major Jerry Peronia nga pabiling naka-detain ang suspek nga si Alrod Naquilla, 36-anyos, taga Purok 6 Lantay, Pangantucan, Bukidnon human nangayo’g waiver sa korte aron mangita’g abogado.
Si Naquilla ang miransak sa boarding house sa namatay’ng biktima nga si Jennifer Buckley, residente sa Zamboanga del Sur ingon man ni Atty Ann Kathleen Gatdula, 30-anyos, residente sa kauluhan.
Nakaangkon sa dinunggaban sa dughan si Gatdula ug pabilin pang nagpaalim sa ospital.
Kahinumduman nga kanhi miembro sa Batang City Jail ang suspek ug nalambigit sa mga kaso sa pagpangawat sa Bukidnon.
