CAGAYAN DE ORO CITY – Nag-atubang sa patung-patong nga kaso ang usa ka freelance media practitioner human gipakauwawan ang ubay-ubay ka tunghaan nga nahimutang sa syudad ug Misamis Oriental.
Giila ang nadakpan nga si Jiggs Padua,hingkod ang panuigon ug nagpuyo sa syudad.
Gidakop si Padua sulod sa pinasikad sa warrant of arrest sulod sa Hall of Justice human kini gibiyaan sa iyang abogado sa dakbayan.
Mismo ang PNP anti-cyber crime unit ang misikop kang Padua tungod sa kasong cyber libel ug extortion nga gipasaka ni Alubijid National Highschool Principal Rey Cubillan, sumala ni Maricel Saga, school principal sa Lumbia National Highschool.
Nasaksihan ni Saga ang pagposas kang Padua sa kapulisan ug gidala sa Kampo Alagar, Brgy. Lapasan ning syudad kaganinang buntag.
