CAGAYAN DE ORO CITY – Patay nang napalgan ang usa ka 50 anyos nga lalaki sulod sa iyang panimalay sa Zone 10, Calaanan,Brgy Canitoan ning syudad.
Gibutyag ni Bulua Police Station commander Police Capt Jayson Sto Domingo nga usa ka Mary Grace Jamisola ang nag-report sa ilang barangay ug nagpakitabang sa pagpangita sa origin sa baho sa ilang lugar.
Pagsulod sa mga pulis sa balay ni Ginang Bagtong, nadiskobrehan nila ang naghigda nga lawas ni Romy, iyang kapikas, ug nasayran nga kini mag-upat na ka adlaw nga patay.
Dili usab mahinabi sa mga pulis ang ginang kay gidudahan nga dunay kasilik-an sa pangisip.
Gitun-an pa sa SOCO kon duna bay foul play sa kamatayon sa biktima.
