CAGAYAN DE ORO CITY – Gipa-ubos sa kustodiya sa senate security ang tolo ka opisyal sa Bureau of Correction kon BuCor, karong hapon.
Kini human nadesisyonan sa mga senador nga naglangkob sa Senate Blue Ribbon Committee nga i-cite in-contempt ang maong mga opisyal tungod sa grabeng pagpamakak atubangan sa hawanan sa senado.
Namahayag si Senate Blue Ribbon Committee Chairman Richard Gordon nga kinahanglan ikustodiya sa senado ang tolo ka mga opisyal samtang nagpadayon ang init nga diskusyon sa GCTA for sale, ug Hospital pass for sale.
Namugos si Gordon nga tin-aw nga dunay nahitabong massive corruption sulod sa New Bilibid Prisons.
