CAGAYAN DE ORO CITY – Paslak na sa prisohan si kanhi Mahinog Mayor Alex Rullon Jajalla, 62 anyos ug residente sa Barangay Hubangon Mahinog, probinsya sa Camiguin.
Base sa report, gisikop ang kanhi Mayor tungod sa kasong graft nga gi-atubang sa 7th Division Sandiganbayan, Quezon City.
Subay sa gisilbi nga warrant of arrest kombiktado si Jajalla sa maong kaso ug pirmado ang iyang arrest warrant ni Honorable Judge Ma. Theresa Estoesta, chairperson sa Sandiganbayan 7th Division.
Dugtong niini, kumpiyansa ang kanhi Mayor nga malusutan ang iyang kaso pinaagi sa tabang sa iyang legal counsel.
