CAGAYAN DE ORO CITY – Nag-apelar ang Police Regional Office o PRO-10 ngadto sa nabiling convicted criminals nga benepesaryo sa Good Conduct Time Allowance o GCTA law nga nakabase sa rehiyon nga motahan na sa ilang kapolisan.
Kini tungod sa paghupas sa gihatag nga ultimatum ni Pres Rodrigo Duterte ning adlawa.
Gihimo ni PRO-10 spokesperson Lt Col Mardi Hortillosa tungod sa 28 pa ka convicted criminals gikan sa rehiyon ang nagboluntaryo’g surrender.
Naglangkob sa mga mi-surender ang 12 gikan sa Bukidnon, 5 sa Lanao del Norte, 4 sa Cagayan de Oro, 3 sa Misamis Oriental,2 sa Iligan ug tag usa sa Camiguin ug Misamis Occidental.
Samtang wala maka-uyon ang simbahang Katoliko sa kamanduan ni Duterte nga kinahanglang dakpon patay man o buhi ang mga tawong naka avail sa GCTA nga dili maka-surrender sa deadline ning adlawa.
Miingon si Confraternity of the New Apologetics vice president Bro. Wilson Amad nga wala mausab ang baruganan sa simbahan diin mao ang paghatag importansya sa kinabuhi sa tawo bisan niadtong convicted riminals.
Matud ni Amad nga angay buhaton sa gobyerno ang pagpangitag paagi nga sa kanunay mopatigbabaw ang proteksyon sa matag-kinabuhi sa tawo.
