CAGAYAN DE ORO CITY – Dakung leksyon alang kang Misamis Oriental Provincial Jail warden Dominador Tagarda ang pagbaton sa mga abusadong anak.
Kini human nagpabiling emosyonal si Tagarda sa pagkasikop sa iyang duha ka anak nga sila Gregor ug Von Clienton, sulod sa ilang puy-anan.
Mi-angkon si Tagarda nga makadaghang higayon niyang gibadlong ang iyang mga anak nga mu-undang na sa pagpamaligya sa druga.
Apan giklaro sa warden sa MOPJ nga wala siya sukad nakakita nga migamit ug mihawid sa shabu ang iyang mga anak.
Mipasabot sab si Tagarda nga hulaton niya ang ipakanaug nga desisyon sa korte sa nalapas nga balaod sa iyang anak.
