CAGAYAN DE ORO CITY – Napamatud-an pinaagi sa gilugwa nga medico-legal nga wala namatay pinaagi sa cardiac arrest ang 4th Class PMA cadet nga si Darwin Dormitorio.
Base sa pasi-unang report, napalgang walay kinabuhi ang kadete sulod sa iyang lawak sa Fort del Pilar Barracks, Baguio.
Mi-ingon pa ang nagdumala sa PMA nga wala na mipitik ang kasing-kasing sa ilang kadete ug dali nilang gipadala sa ospital.
Gideklarar kining dead on arrival.
Apan karong buntag, milugwa ang report nga miagi sa grabeng nga hazing ang biktima.
Lakip sa naapektuhan ang iyang tiyan nga maoy hinungdan sa internal hemorrhage.
