CAGAYAN DE ORO CITY – Kumbinsido ang inahan sa batan-ong si Loloy nga usa ka illegal recruiter si alyas Balo nga maoy nagdala sa iyang anak ug pag-umangkon sa Marawi City.
Tumang kahadlok ug kabalaka ang gibati sa ginang human wala makauli ang ilang anak sulod sa duha ka adlaw. Kini ang rason nga iyang gipa-blotter sa Bulua PNP ang iyang na-missing nga anak sa milabay’ng adlaw.
Hinoon, luwas nga nakauli ang iyang anak nga si Loloy ug nagdemanda sa mga kapulisan nga dakpon ang gitudlo sa iyang anak nga migamit sa ilang pirma ug thumbmark aron mahimong botante sa Marawi City.
