CAGAYAN DE ORO CITY – Nasuta karon sa Marawi City Police Office nga gibaligya ni Police Captain RAMCES CARTAJENA, ang hot car nga nasanta sa gikan kang Police Captain SANTOS Libres Monares nga nakadestino sa Marawi City Police Station.
Namahayag si Police Major Jemar Delos Santos, PNP-BARMM spokesperson, nga giduso na sa ilang opisina ang kasong paglapas sa Anti-Carnapping and Fencing batok sa suspek human wala kini mapakita nga dokumento nga magpamatuod nga siya ang nanag-iya sa Ford Everest nga nagbaton sa Temporary Plate Number Conduction Sticker #IK3400.
Sumala ni Major delos Santos, nga sakyanan nakarehistro kang Dolores Gutierrez nga taga Santa Cruz, Manila ug dili kini iya ni Police Captain Cartajena nga nakabase sa Police Regional Office 10.
Base sa impormasyon nga naka-abot sa Bombo Radyo, namahayag si Marawi City Police Director Col Tomas Pantaleon gihimakak sa nasikop nga police ang alegasyon nga gibato kaniya.
