CAGAYAN DE ORO CITY – Gipangayo sa Criminal Investigation and Detection Group Northern Mindanao ang matrix gikan sa CALABARZON-PNP sa miyembro sa notoryos nga Fajardo Robbery Group didto sa Tanauan City, Batangas.
Mi-apelar si CIDG-10 Chief Police Col. Reymund Ligudin sa PNP nga ihatag sa ila ang kopya aron ma-alerto ang mga operatiba sa uban pang mga sakop ni Marvin Fajardo nga nagtagu-tago usab sa syudad.
Unang nagtoo si Ligudin nga naglaylo ang pundok sa napatay nga leader sa Cagayan de Oro sa pagtoo nga dili sila masubay sa mga operatiba sa NCRPO ug PNP special action force.
Dumduman nga napatay sa operasyon si Marvin Fajardo ug laing duha ka kauban kay nakigpinusilay sa mga otoridad sulod sa ilang giabangang balay sa Grand Europa sa Brgy Lumbia ning syudad.
