CAGAYAN DE ORO CITY – Kritikal nga milanding sa Puerto Sabal Hospital ang giilang notoryos nga kawatan sa Brgy. Bugo, dinhi sa syudad sa miaging gabie.
Kini human gitabangan pagkulata ug gipusil sa upat ka taga Dasmarinias Cavite, sa usa ka gasoline station sa maong barangay.
Giila ni Puerto Police Station Commander Police Capt. Mario Mantala ang biktima nga si Christian Tacastacas, 36 anyos ug resident sa zone-2 Greymar Bugo.
Samtang ang lima ka mga suspek naila nga sila Ryan Calibjo, 38, foreman, Jayjay Lazaro, 38, driver ug Jeffrey Soriano, pulos mga resident sa Dasmarinas, Cavite; Kristhos Zubieta, 36, contruction worker gikan Imus, Cavite, ug si Cheeruin Terez, 23, sekyu sa God’s Well Security Agency ug residente sa Senote, Oroquita City, Misamis Occidental.
Base sa report, gipusul ug gibunala sa tubo ang biktima human naakusahan nga mikawat sa mahalong cellphone nga iya sa mga suspek. Narekober sa crime scene ang cellphone, tubo, pusil nga 38 calibre ug duha ka bala.
Nadakpan na ang lima ka mga suspek ug kasamtangang gibalhog sa Puerto Police Station.
