CAGAYAN DE ORO CITY – Hurot ka ugdaw ang dakung residential house nga gama sa marmol, glass ug kahoy sa Zone 8, Sta. Cruz, Barangay Carmen, ning syudad, karong hapon.
Sa interbyu sa Bombo Radyo, gibutyag ni SFO4 Sam Lawrence Velarde nga kapin kon kulang P500,000 ang damyos sa sunog.
Gipanag-iyahan ang nasunog nga balay sa pamilyang Somobay ug Jaspe.
Una niini, mi-angkon si Velarde nga nagkalisud sila sa pagpalong sa kalayo tungod kay sudlonon ang lokasyon sa nasunugan.
Usa ang natalang samaron human sa sunog.
