CAGAYAN DE ORO CITY – Misaka pa sa P4-Milyon ang damyos sa istruktura sa sunog sa usa ka balay ug gambalay nga nahimutang sa Gingoog City.
Namahayag si Fire Officer 1 Charlton Cainglet nga unang nagsumikad ang sunog sa abandonadong balay ni Protacio Gamolo ug mikatag sa ikaduhang andama sa gambalay nga iya ni Mario Ramirez.
Paspas nga mikatag ang kalayo tungod kay gama lang sa tabla ang unang balay nga nasunog.
Hisayran nga hurot ka-ugdaw ang mga mahalong gamit sa balay ug mga medical equipment nga gi-imbak sa balay ni Ramirez.
Lakip sa anggulong gitutukan sa BFP mao ang mga batang nakit-an sa mga testigos nga naghaling sulod sa balay ni Gamolo.
