CAGAYAN DE ORO CITY – Milusad na sa man hunt operation ang Carmen Police Station human gipusil ang usa ka menor de edad nga babaye atbang sa Hall of Justice, Brgy. Carmen ning syudad, karong buntag.
Giila sa mga imbestigador sa Cagayan de Oro City Police Office kon COCPO, ang biktima nga alyas Debbie, 16 anyos ug residente sa Taguitic, Kapatagan, Lanao del Norte.
Base sa report, mitabok sa dalan gikan sa pagtambong sa iyang hearing sa hall of justice ang lima ka bulan nga mabdos nga menor de edad sa dihang gipusil kini sa wala pa mailang mga suspek nga naka motor.
Naka-angkon sa igo pinusilan sa ulo ang biktima ug gidala kini sa Northern Mindanao Medical Center.
Blangko pa ang mga otoridad sa motibo sa krimen.
