CAGAYAN DE ORO CITY – Milusad na sa follow-up operation ang Lumbia Police Station human malampuson nilang nadakpan ang usa sa mga miyembro sa notoryos Sangcopan Drug Syndicate, didto sa Zone 7, Acacia St., Brgy. Carmen, ning syudad.
Giila ni Police Captain Teodoro Panganiban De Oro nga, hepe sa Lumbia Police Station ang suspek nga si Dafy Sangcopan alyas “Jamel”, 41 anyos, minyo ug residente sa maong dapit.
Gitin-aw ni Captain De Oro nga nalakip ang suspek isip DI list sa syudad.
Nakuha sa iyang posisyon ang Php 500 nga marked value nga buybust money, ug duha ka sachet sa shabu nga dunay gimbug-aton nga 0.05 gramos ug dunay estimated market value nga P3000.
Karong hapon, gipasaka ang kasong illegal possesion ug selling of drugs ubos sa RA 9165 o mas nailang paglapas sa Dangerous Drugs Act of 2002.
