CAGAYAN DE ORO CITY – Patay ang pasahero sa motor-baja samtang kritikal ang driver human aksidenteng nabangaan sa usa ka dakung trak sa Sayre Highway, Brgy Puerto ning syudad, kaganina sa buntag.
Giila ni Police Captain Mario Mantala ang namatay nga si Rommy Libranda, hingkod ang edad, samtang samaron ang driver nga si Wilfredo Canillo, 25 anyos, ulitawo ug residente sa Purok 7 Upper Puerto.
Base sa report, mi-angkon ang driver sa ten wheeler trak nga si Allan Lendio, residente sa Linggangao, Balingasag, Misamis Oriental nga nagmalfunction ang brake sa iyang sakyanan hinungdan nga iyang gidusmo kini sa drainage.
Wala damha sa driver sa trak nga iyang matabo ang baja hinungdan nga napiko ang motor-baja ug maayong pagka-ipit sa mga motorista kilid sa dalan sa pagdusmo sa baba sa truck.
