CAGAYAN DE ORO CITY – Gipangita karon sa kapolisan ang puganteng si Abdul Rasak Moto Panguntungan,23-anyos nga taga Munai,Lanao del Norte.
Si Pangantungan ang nag atubang sa kasong murder ug attemted murder.
Sumala ni Lanao del Norte Police Provincial Office spokesperson Maj. Salman Saad nga gikan sa provincial jail ang suspek kauban ang laing walo ug padulong unta sa Iligan City alang sa court hearing.
Igo sa namahaw ang jail officers kuyog ang mga binilanggo sa lungsod sa Bacolod dihang nakahigayon si Panguntungan sa pag eskapo.
Nanawagan si Saad ngadto sa mga nakakita sa pugante nga daling motaho sa pinakaduol nga police station.
