CAGAYAN DE ORO CITY – Kasuhan gihapon sa kapolisan ang napatay nga founder sa notoryus robbery group nga utok sa sunod-sunod nga pagpanulis sa syudad ug ubang bahin sa Mindanao.
Kini bisan kon napatay sa running gun battle sa kapolisan si Archilito Palubon alyas Bingkol nga unang mitulis sa New Cagayan CCH Hardware diha sa Ipil Street,Brgy Carmen diin nakabibit sa 30-mil pesos nga kinitaan sa miaging gabii.
Miingon si COCPO spokesperson Police Major Ivan Viñas nga hawid na nila ang pangalan sa ubang ka-grupo ni Bingkol nga nakasibat sa maong pagpanulis.
Gani,andam si Viñas nga magsilbing nominal complainant kon dili intresado ang tag-iya nga si Jessie Co.
Si Bingkol ang kanhi konektado sa notoryus robbery group nga nakabase sa Misamis Occidental nga responsable usab sa dinagko nga pagpanulis sa pipila ka bahin sa nasud.
