CAGAYAN DE ORO CITY – Posibleng madugta sa bilanggoan ang usa ka 41 anyos nga suspek nga nag-atubang sa kasong rape sa Tubod, Lanao del Norte.
Kini human nadakpan ang suspek nga si Allan Comonsad Lobeban, minyo ug residente sa Phase-2 10th St. Tubod, Rosario Heights Iligan City, kagahapon.
Mismo ang mga elemento sa Criminal Investigation and Detection Group ug Lanao del Norte Provincial Police Office ang hiniusang misikop sa suspek pinasikad sa warrant of arrest (WOA) nga gi-isyu ni Presideng Judge Dennis Vicoy sa Regional Trial Court Branch 7 sa 12th Judicail Region sa Tubod.
Walay piyansa nga girekomendar ang korte batok sa nasikop nga wanted person.
