CAGAYAN DE ORO CITY – Muabot sa P150,000 street value sa drugang shabu ang nakompiskar sa mga operatiba sa Villanueva Municipal Police Station sa gikan sa giilang notoryos drug dealer sa P-9 San Martin. Villanueva, kagabie.
Giila ni Police Captain Rodney Gaid, hepe sa Villanueva mps ang suspek nga si Jun Anthony Barba, 31 anyos ug residente sa Zone 3, Molugan El Salvador City, ning lalawigan.
Giisa ang drug buybust operation human sa pipila ka bulan nga pagmonitor sa kapulisan sa illegal drug transaction sa suspek sa maong dapit.
Sa pagkapkap sa mga operatiba sa suspek ilang nakompiskar ang duha ka tag 1000 pesos nga marked money, unom ka dagko nga pakete nga anaa sa 30 gramo ang gimbug-aton sa gisulod nga shabu.
Gisaksikan ang operasyon ni San Martin Kagawad Alejandro Daya.
