CAGAYAN DE ORO CITY – Otomatik nga gitangtang sa kompanya ug sa iyang agency ang usa ka sekyu nga nagpabuto sa armas sa De Oro Land Property Agora Warehouse, Valenzuela St., Brgy. Lapasan, ning syudad.
Giila ni Police Major Julius Clark Macarioloa IV ang suspek nga si Henry Marsamolo, 46 anyos, minyo ug residente sa District 5 Calaanan, Brgy. Canitoan ning syudad.
Segun sa inisyal nga imbestigasyon, hubog ang suspek dihang iyang gipabuto sa ikaduhang higayon ang iyang service firearms nga 38 calibre.
Namahayag usab Security Guard of Lux Interna Security Agency Incorporated nga dili nila konsintihon ang ilang sakop ug kinahanglan niining atubangon ang iyang kaso sa korte.
