CAGAYAN DE ORO CITY – Balhog na sa prisohan ang usa ka 19 anyos nga batan-on human namaligya sa shabu sa Brgy. Tablon, ning syudad, kagabii.
Namahayag si Police Major Clark Macariola, hepe sa Agora Police Station nga malampuson nilang nasikop ang suspek nga si Jayrel Rovero, DI listed, walay trabaho ug residente sa Zone 4 Brgy. Bugo ning dakbayan.
Nakompiskar sa suspek sa drug buy operation ang usa ka pakete sa shabu nga nagbalor sa P500. Sa pagbody search nakuha sa iyang bulsa ang kalibre 38 nga handgun nga dunay tulo ka buhing bala.
Lakip gikompiskar sa mga operatiba ang iyang motorsiklo ug laing duha ka pakete sa shabu.
Gisaksihan ni DOJ representative Erlenda Opeña ang pagdakop sa suspek.
