CAGAYAN DE ORO CITY – (update) Naila na anhg suspek nga misulod ug naglasong sa Initao College, sa Initao, Misamis Oriental, kaganina sa buntag.
Giila ni Police Col. Robert Roy Bahian, director sa Misamis Oriental Police Provincial Offfice ang suspek nga si Ibrahim Basher, 65 anyos, residente sa Tulay Madamba Lanao del sur.
Gikompirmar ni Col. Bahian nga lakip sa namatay si Police Master Sergeant Jayson Magno, ug kritikal nga milanding sa CUMC si PMSgt Alice Balido, nga nakahiagom sa samad sa tiyan.
Miingon si Bahian nga usa ka fragmentation grenade ang mibusikad sulod sa campus.
Narekober sa crime scene ang mga mga IDs sa suspek ug mga empty shells nga gikan sa pulis nga miresponde sa nahitabong komosyon.
Nagpadayon ang gilusad nga imbestigasyon sa kapulisan sa hitabo ilabe kung mag-atubang ba sa criminal liability ang pulis nga mipusil sa suspek.
Suspendido una ang klase sa maong tunghaan.
