CAGAYAN DE ORO CITY – Mihimo na’g task force ang PNP human gipusil patay ang usa ka opisyal sa gobyerno sa Gingoog City.
Gibutyag ni Lt Col. Philip Pontillas, hepe sa Gingoog City Police Station nga duha ka anggulo ang gitutukan sa pagpusil patay kang San Luis Brgy Kag Alexander Militante Mandamento, 47 anyos sa maong lugar.
Gipusil ang biktima sa usa ka lalaki nga nakamoto kagahapong adlawa.
Nakahiagom sa ‘fatal wounds” ang biktima hinungdan sa iyang pagkamatay paglanding sa ospital.
Saysay sa mga nakasaksi, naka sul-ob sa gray t-shirt, itom nga kasones, itom nga kalo ug mitaptap sa berde nga panyo sa katunga sa iyang nawong sa dihang iyang gigutad-gutad sa bala ang lawas sa maong opisyal.
Paspas nga mikagiw padulong Medina Misamis Oriental ang wala pa mailang suspek.
Posibleng personal grudge ug pulitka ang gitutukan nga hinungdan sa pagpatay.
Padayong gilusad sa Gingoog PNP ang hot pursuit operation batok sa suspek.
