CAGAYAN DE ORO CITY – Guba ang dagway sa usa ka motorside car driver human mabanggaan sa usa ka motorista sa Zone 4 Brgy. Cugman ning syudad, kaganina sa kadlawon.
Giila ni Police Staff Master Sergeant Noel Perpetua, traffic investigator sa Cugman Police Station ang namatay nga biktima nga si Rufino Lapoot, hingkod ang edad, usa ka negosyante ug residente sa Zone -7 Brgy. Agusan ning syudad.
Maoy nakabangga sa biktima ang 19 anyos nga motorista nga si Rene La Victoria nga taga Phase-2 Villa Trinitas Brgy Bugo, ning syudad.
Lakip nga milanding sa Northern Mindanao Medical Center ang kapikas ni Rufino nga si Evelyn, kinsa miangkon sa mga pangos sa lawas human milagpot tungod sa grabeng impact sa pagbangga.
Gipaubos na sa hospital arrest ang nakasurvive nga 19 anyos nga motorista sulod sa JR Borja City Hospital. Kasong reckless imprudence resulting in homicide, physical injury and damage to properties ang ipasaka batok sa suspek.
