CAGAYAN DE ORO CITY – Paslak na sa prisohan ang usa ka miyembro sa LGBT human gi-among-amongan ang pribadong bahin sa 15 anyos nga ulitawo ning syudad.
Kaganina sa buntag, sulod sa tunghaan nga nahimutang Corrales Extension, gi-silbi sa mga operatiba ang warrant of arrest (WOA) batok sa 22-anyos nga suspek nga si Vience Aviso alyas Dodong.
Namahayag ang mga operatiba sa Regional Special Operation Unit (RSOU) ug Bulua Police Station nga positibong gihilabtan sa suspek ang minor de edad.
Kasong RAPE by Sexual Assault in relation to Section 5(b) of RA 7610 ang gi-atubang sa suspek, kinsa paslak karon sa prisohan sa Maharlika Detension Cell.
