CAGAYAN DE ORO CITY – Gipaniguro sa pamilya sa babayeng gilugos ug gikawatan sulod sa ilang panimalay nga madugta ang suspek sa prisohan oras nga kini madakpan sa mga otoridad.
Kini human milanding sa ospital ang biktima nga gitago sa alyas “Baby”, 28 anyos ug residente sa Blot-2 Lot-15, Royal Palm, Brgy. Macasandig, ning syudad.
Sa pakighinabi sa Bombo Radyo kang Police Major Erickson Sabanal, iyang gibutyag nga nagbaton na sila’g “person of interest” kon POI sa kaso.
Base sa inisyal nga report, gihiktan ang mga kamot ug tiil sa biktima ug gikuryentihan ang iyang ari sa suspek gamit ang usa ka taser.
Gawas niini, gikawat sa suspek ang laptop, cellphone, passport ug dili matino nga cash sa biktima.
