CAGAYAN DE ORO CITY – Talandugunon ang kahimtang sa usa ka motorista nga mibangga sa usa ka RTMI bus sa Sayre Highway Ala-e Junction, Manolo Fortich Bukidnon, kagahapon sa buntag.
Sa interview sa Bombo Radyo kang Police Senior Master Sargeant Larry Echo, traffic investigator, iyang giila ang biktima nga si Jeffrey Vertudazo, hingkod ang edad ug residente sa Lunukan, Manolo Fortich, samtang ang suspek mao ang bus driver nga si Ferdinan Fuentes nga taga Brgy. Cugman ning syudad.
Base sa report, managlahi ang dalan sa duha ka sakyanan ug premature ang pagliko sa motorista sa pikas lane hinungdan nga wala kini malikayi sa katabo nga bus.
Nakahiagom sa dakung samad sa ulo ang biktima ug gidala sa Northern Mindanao Medical Center.
Samtang ang bus driver ug ang iyang bus gikustodiya gilayon sa mga kapulisan.
