CAGAYAN DE ORO CITY – Kumbinsido ang pamilya sa 52-anyos nga walay foul play sa kamatayon niini sulod sa ilang panimalay diha sa Zone 6, Sihayun, Sta Cruz Tagoloan,Misamis Oriental.
Kini human nagtoo ang pamilya ni Margarito Tare nga nalumos kini samtang naligo sa ilang tub.
Miingon si Police Senior Master Sgt Bernard Lagoy, imbestigador sa Tagoloan Police Station nga na-paralyze ang katunga nga parte sa lawas sa biktima human na-stroke sa miaging tuig.
Naligo nga nag-inusara ang biktima ug dako ang posibilidad nga nadigyas sa tub hinungdan nga nalumos.
Patay nang nakita sa iyang 15-anyos nga apo ang biktima nga naglutaw sa tubig.
