CAGAYAN DE ORO CITY – Migamit sa panyo sa paghikog-patay ang tomboy sulod sa pinuy-anan niini diha sa Purok 5 Naga,Brgy Puerto ning syudad.
Giila ang biktima naila nga si Sweet Cel Panoril, 20-anyos ug residente sa maong dapit.
Gibutyag ni Police Senior Master Sgt Ronello Ubas, imbestigador sa Puerto Police Station nga blangko pa ang pamilya sa biktima sa hinungdan sa paghikog ilabina nga walay problema nga gisumbong kanila ug dili usab kini magul-anon.
Una nang nakita sa iyang iyaan ang biktima nga nagbitay sa 2nd floor sa ilang panimalay nga wala nay kinabuhi.
Samtang giawhag sa mga lumilihok sa simbahang Katolika ang mga tawong nawad-an na sa paglaum nga abrehan ang kaulingon sa pagduol sa labaw’ng makagagahom ngadto kanila.
Kini aron dili makahukom sa pagkutlo sa kaugalingong kinabuhi.
Giawhag ni Wilson Amad, vice president sa Confraternity of the New Apologetics kadtong mga tawong mibatig depression sa pagduol sa taga- simbahan aron mapailalom sa counselling.
Hisayrang alarming na ang paghikog sa syudad diin subay sa monitoring sa Bombo Radyo,mitala na kini sa 19 ka kaso.
