CAGAYAN DE ORO CITY – Gipasalig sa National Bureau of Investigation o NBI-10 nga ilang tabangan ang pamilyang Gamao sa pagkab-ot hustisya.
Kini tungod sa gidangatan sa menor de edad nga gikuha-ag internal organs sa mga personahe diha sa Northern Mindanao Medical Center.
Gibutyag ni NBI-10 regional director Atty Patricio Bernales nga ilang hulatan nga moduso’g reklamo sa ilang buhatan ang pamilya aron ila kining matabangan.
Hisayran nga naghu-ot ang dughan ni Charlotte Gamao human niya mahibaw-an nga wala nay internal organs ang iyang anak sa pagpa-embalsamar unta niini sa usa ka punerarya sa Brgy.Camaman-an ning syudad.
