CAGAYAN DE ORO CITY – Gitoohan sa kapolisan nga mechanical error ang hinungdan kon nganong nawad-ag preno ang usa ka dumptruck diha sa Pedro Roa Sr.,Calaanan,Brgy Canitoan ning syudad.
Patay sa aksidente ang drayber nga si Jury Pastrana, 56-anyos, minyo ug residente sa Danao, Patag Opol,Misamis Oriental.
Miingon si Police Chief Master Sgt Natalyo Mata III imbestigador sa Bulua Police Station nga kalit mi-zigzag ang gimaneho nga truck sa biktima samtang palugsong sa dalan hinungdan nga mibangga kini sa naka-park nga Toyota Vios ug Ford.
Walay nasamdan sa maong aksidente ilabina nga walay tawo ang sulod sa mga sakyanan dihang nakaparking kini daplin sa dalan.
