CAGAYAN DE ORO CITY – Dakpan ang usa ka dalaw human misulay sa pagdala sulod sa jail facility sa upat ka kaha nga sigarilyo, kaganina sa buntag.
Gibutyag ni Jail Officer 3 Inspector Orly Montalba nga usa ka alyas “Fatima” ang nasanta ni JO1 Trainee Martin Llobera sa ganghaan nga bahin sa Cagayan de Oro City Jail sa Barangay Lumbia, ning syudad.
Gumikan niini, wala na makasulod sa prisohana ng nasampit nga dalaw nga dunay kapuyo nga napriso sa maong jail facility sulod na sa duha ka tuig tungod sa pagpayuhot sa shabu.
Sa pagkakaron, hulatan pa sa kapuyo sa inmate kung kanus-a siya subli mudalaw kay gipahamtangan man kini sa sanction nga “denial of entry” ug multa sa visitors regulatory board.
Una niini, hugot nga gidili ang mga kontrabando sama sa sigarilyo nga makasulod sa pasilidad sa prisohan.
