CAGAYAN DE ORO CITY – Patay tungod sa pag-atake sa kasingkasing ang sekyu nga nagbantay sa South 1A Central School sa East Rosario Heights,Brgy Tubod,Iligan City.
Giila ni Iligan City Police Station 4 commander Lt Rodney Gere ang biktima nga si Manuel Villanueva,60 anyos,minyo ug nagpuyo sa Brgy Patag,Lanao del Norte.
Miingon si Gere nga subay sa nakasaksi nga nagbuy-od na lamang ang biktima dihang nakit-an kini sa pipila ka residente sa maong lugar.
Subay sa findings sa SOCO,walay foul play ang kamatayon sa biktima ug may indikasyon nga nakasinati kini sa cardiac arrest.
